На "Даём рады" сыграюць Dzieciuki, Neuro Dubel, Дай Дарогу! і :B:N:

© Sputnik / Юлія ХвошчБеларускі гурт Dzieciuki
Беларускі гурт Dzieciuki - Sputnik Беларусь
Падпісацца
Музычная прэмія ладзіцца ў Мінску і пройдзе ўжо ў чацвёрты раз.
МІНСК, 3 лют — Sputnik. Музычная прэмія "Даём рады" пройдзе ўжо ў чацвёрты раз, мерапрыемства адбудзецца 27 лютага ў мінскім клубе Re:Public, распавялі арганізатары мерапрыемства.
Падчас уручэння музычнай прэміі выступяць Neuro Dubel, "Дай дарогу", Dzieciuki і:B:N:.
"2015-ы выдаўся, як заўсёды, неадназначным у музычным плане, але багатым на рэлізы і бурлівым. За сыходзячы год нашы музыкі запісалі больш за 120 альбомаў — нечыя славутыя імёны сплылі ў беларускую музычную Лету, а нехта толькі паспеў заявіць пра сябе больш ці менш удала. Мы ўважліва сачылі за падзеямі і гатовыя раздаць усім па заслугах", — распавялі арганізатары музычнай прэміі.
Традыцыйна фестываль "Даём рады" збірае лепшыя каманды беларускай альтэрнатыўнай сцэны па выніках мінулага году.
Уручэнне прэміі "Даём рады" пройдзе 27 лютага ў мінскім клубе Re:public, пачатак у 17:30. Кошт квіткоў складае ад 170 тыс. (танцпляц) да 220 тыс. (месца за столікам) рублёў.
Стужка навiн
0