У БДУ з'явілася новая спецыялізацыя – расшыфроўка ДНК

© SputnikГалоўны корпус БДУ
Галоўны корпус БДУ - Sputnik Беларусь
Падпісацца
Ва ўніверсітэце мяркуюць, што такія спецыялісты будуць запатрабаваныя ў НАН, а таксама НПЦ анкалогіі, гематалогіі і імуналогіі.

МІНСК, 11 лют — Sputnik. Беларускі дзяржаўны ўніверсітэт адкрыў новую спецыялізацыю — зараз у галоўнай ВНУ краіны будуць рыхтаваць біяінфарматыкаў, якія займаюцца расшыфроўкай ДНК для дыягностыкі і лячэння шэрагу захворванняў, паведамілі Sputnik ў сераду ў прэс-службе БДУ.

Спецыялізацыя ўведзена на факультэце радыёфізікі і камп'ютэрных тэхналогій у рамках спецыяльнасці "Прыкладная інфарматыка", набіраць на яе будуць студэнтаў трэццяга курсу, якія зараз навучаюцца па гэтай спецыяльнасці.

"У Беларусі падрыхтоўка спецыялістаў у галіне біаінфармацыйных тэхналогій да гэтага часу не вядзецца ні ў адным з ВНУ. Неабходнасць адкрыцця спецыялізацыі абумоўлена развіццём навуковых даследаванняў у галіне расшыфроўкі (секвеніравання) ДНК для дыягностыкі і лячэння розных захворванняў", — сказалі ў БДУ.

Ва універсітэце падкрэслілі, што цяпер Беларусі патрэбны кваліфікаваныя даследчыкі, якія валодаюць кампутарнымі тэхналогіямі аналізу генетычных дадзеных, тады як сёння такія працы могуць выконваць толькі спецыялісты, якія атрымалі адукацыю ў ВНУ Расіі ці за мяжой.

У БДУ мяркуюць, што біяінфарматыкі будуць запатрабаваныя ў інстытутах НАН Беларусі, а таксама рэспубліканскіх навукова-практычных цэнтрах дарослай і дзіцячай анкалогіі, гематалогіі і імуналогіі.

Стужка навiн
0