МІНСК, 17 лют — Sputnik. "Тры дні холаду" — гэта гісторыя аднаго разбітага сэрца і другі сінгл з будучага альбома гурта IOWA, некалькі кампазіцый з якога прагучаць на сольным канцэрце ў Мінску 22 красавіка.
Здымкі кліпа праходзілі ў Санкт-Пецярбургу, рэжысёрам стаў Валерый Невін, які здымаў раней відэа для 5nizza і Sunsay. Па рэжысёрскай задумкі, глядач адпраўляецца ў падарожжа па лабірынтах душы гераіні і бачыць, якія эмацыйныя перажыванні на самай справе хаваюцца за яе знешнім спакоем.
"У адной сцэне мне захацелася быць у вялікім мужчынскім паліто. Вакол мяне ходзяць такія ж вялікія безаблічныя фігуры ў паліто, у якіх я шукаю яго, спрабую дакрануцца да яго рукой, але гэта ўсё фантом. Гэта абстрактныя вобразы, бо калі ты моцна перажываеш, усё ператвараецца ў хаос", — падзялілася падрабязнасцямі са здымак Каця Іванчыкава.
Нягледзячы на ўяўную безвыходнасць, песня дорыць надзею на тое, што сілы жыць і рухацца далей абавязкова знойдуцца. Самае галоўнае — перажыць гэтыя першыя тры дні.
"Я напісала гэтую песню ў дапамогу, а не для таго, каб людзі журыліся. Некаторыя скажуць: "І так дрэнна, і тут вы яшчэ са сваёй песняй". Мне хацелася падтрымаць тых, хто пакутуе, бо каханне — гэта самае моцнае і ўзрушэнне, якое можа здарыцца з намі. Каханне — гэта лепшае, што нас чакае", — кажа Іванчыкава.
Першым сінглам з будучага новага альбома стала песня "Б'е біт" кліп на якую выйшаў у кастрычніку 2015-га і ўсяго за тры з паловай месяца абагнаў па папулярнасці на YouTube ўсе папярэднія хіты IOWA, а таксама відэа ўсіх астатніх беларускіх артыстаў, уключаючы Макса Каржа і гурт "Ляпіс Трубяцкі". Зараз на рахунку "Б'е біт" 22 мільёны 700 тысяч праглядаў.
IOWA з новай праграмай "Б'е біт" выступіць у Мінску 22 красавіка ў Prime Hall, пачатак а 20-й гадзіне, кошт квіткоў складае ад 500 да 1 100 тыс. рубёў.
