МІНСК, 18 лют — Sputnik. Новы іспанскі сэрвіс Waynabox дапамагае знайсці адказ на няпростае пытанне "куды паехаць у падарожжа". За € 150 можна набыць трып на выхадныя ў невядомым накірунку — у кошт уваходзіць пералёт і дзве ночы ў гатэлі.
Куды менавіта вас адправяць, дазнаецеся толькі за два дні да вылету. На дадзены момант вылеты робяцца з трох іспанскіх гарадоў: Барселоны, Мадрыда і Малагі. Падарожжа звычайна пачынаецца ў пятніцу, вяртанне — у нядзелю.
Пры куплі можна выключыць тыя гарады, у якія табе зусім не хочацца. Важны момант — падарожнічаць з Waynabox нельга ў адзіночку, толькі з кампаніяй або каханым.
