МІНСК, 22 лют — Sputnik. Маладая мінчанка стала фігуранткай 40 крымінальных спраў, паведамілі Sputnik у прэс-службе ГУУС Мінгарвыканкама.
Ураджэнка Гродзенскай вобласці больш за год пераконвала сваіх знаёмых афармляць крэдыты ў банках на куплю мабільных тэлефонах.
"Узятыя ў крэдыт мабільныя тэлефоны дзяўчына прадавала па заніжанай цане пры дапамозе сеткі інтэрнэт. Атрыманыя ад продажу грошы пакідала сабе, не збіраючыся аддаваць падманутым крэдытаатрымальнікам", — паведаміла прэс-афіцэр Партызанскага РУУС сталіцы Наталля Ганусевич.
Паводле яе слоў, у сваёй сястры дзяўчына скрала пашпарт, на які пазней аформіла ў салоне сотавай сувязі растэрміноўку на два мабільніка.
"Сястра была вымушана звярнуцца ў міліцыю", — удакладніла Ганусевіч.
"У дачыненні да дзяўчыны заведзена ўжо 39 крымінальных спраў па артыкуле 209 Крымінальнага кодэкса Рэспублікі Беларусь ("Махлярства") і крымінальная справа па артыкуле 380 Крымінальнага кодэкса Рэспублікі Беларусь ("Падробка, выраб, выкарыстанне альбо збыт падробленых дакументаў, штампаў, пячатак, бланкаў")", — праінфармавала суразмоўніца агенцтва.
Прадпрымальнай дзяўчыне пагражае да чатырох гадоў пазбаўлення волі.
