МІНСК, 23 лют — Sputnik. Міністэрства інфармацыі Беларусі абмежавала доступ да пяці інфармацыйных рэсурсаў, якія змяшчаюць матэрыялы, накіраваныя на незаконны абарот наркотыкаў, паведамілі Sputnik ў прэс-службе ведамства.
"На падставе апавяшчэння міністэрства ўнутраных спраў міністэрствам інфармацыі ў мэтах выканання патрабаванняў дэкрэта прэзідэнта №6 "Аб неадкладных мерах па супрацьдзеянні незаконнаму абароту наркотыкаў" і закона аб СМІ прынята рашэнне аб абмежаванні доступу да пяці інфармацыйных рэсурсаў, якія змяшчаюць матэрыялы, накіраваныя на незаконны абарот наркотыкаў", — паведамілі ў Мінінфарме.
Летась профільнае ведамства абмежавала доступ да 41 інтэрнет-рэсурсу, чатыры старонкі пасля ліквідацыі парушэнняў здолелі аднавіць сваю працу. Інтэрнэт-рэсурсы блакаваліся за распаўсюд экстрэмісцкіх матэрыялаў, а таксама інфармацыі, накіраванай на рэалізацыю наркатычных сродкаў, за неналежную рэкламу лекаў, прапаганду дзіцячай парнаграфіі, рэкламу алкагольных напояў.
