МІНСК, 24 лют — Sputnik. Беларусь заняла 71 радок сусветнага рэйтынгу візавых абмежаванняў, штогод публікуемага кампаніяй Henley&Partners і Міжнароднай асацыяцыі паветранага транспарту (IATA).
Рэйтынг візавых абмежаванняў або "сусветны індэкс пашпартоў" складаецца на падставе правілаў выдачы візаў 219 краін свету. Пазіцыі ў рэйтынгу ўлічваюцца згодна з колькасцю краін, у якія ўладальнікі гэтых пашпартоў могуць уязджаць без візы.
Першыя два радкі рэйтынгу займаюць Германія і Швецыя, чые пашпарты адкрываюць уезд у 177 і 176 краін свету адпаведна. Трэці радок падзяляюць пяць краін — Фінляндыя, Францыя, Італія, Іспанія і Вялікабрытанія.
Беларусь у рэйтынгу падзяляе 71 радок разам з Грузіяй, Казахстанам, Гамбіяй, Малаві і Свазілендам. Паводле рэйтынгу, грамадзяне гэтых краін могуць уязджаць без візы ў 67 дзяржаў свету. На радок вышэй — Сірыя і паўднёваафрыканскі анклаў Лесота.
Пры гэтым Беларусь застаецца адной з сусветных лідэраў па колькасці атрыманых шэнгенскіх віз. Больш за ўсё віз беларусам выдае Польшча, затым Літва і Латвія. Менш за ўсё беларусы падаюцца на чэшскую візу.
Сярод краін былога СССР самы высокі рэйтынг — у Латвіі (13 месца), туды могуць прыехаць без віз жыхары 163 краін. Радком ніжэй размяшчаюцца Эстонія і Літва.
З расійскім пашпартам без візы можна паехаць у 105 краін свету (43-я пазіцыя рэйтынгу). Грамадзянам Малдовы іх пашпарты дазваляюць падарожнічаць ў 101 краіну (52 месца), Азербайджана — у 62 краіны (75 месца), Кыргызстана — 58 краін (79 месца), Арменіі — 57 краін (80 месца), Таджыкістана — 53 краіны (84 месца), Узбекістана — 52 краіны (85 месца), Туркменістана — 49 краін (88 месца).
Грамадзяне адной з самых закрытых краін свету — КНДР — могуць наведваць без віз 42 краіны. Апошнія тры радкі рэйтынгу займаюць Ірак, Пакістан і Афганістан.
