МІНСК, 24 лют — Sputnik. Частка выйграных у латарэю грошай пойдзе на пагашэнне крэдыту за кватэру, расказала пераможца "Суперлато" Таццяна Зянькевіч.
Жыхарка Мінску стала шчаслівай ўладальніцай пяці мільярдаў беларускіх рублёў (больш за 231 тысячы даляраў па цяперашнім курсе), разгуляных ў навагоднім тыражы "Суперлато".
"Частка грошай пойдзе на пагашэнне крэдыту за кватэру. Таксама забяспечым вучобу і рашэнне жыллёвага пытання старэйшай дачкі — яна ў нас студэнтка трэцяга курса Белдзяржуніверсітэта фізічнай культуры, будучы менеджэр па турызме. Яшчэ адкладзем грошы на адукацыю малодшай дачкі Юліяны, яна зараз у другім класе. і абавязкова — дабрачыннасць", — прыводзіць словы Зянькевіч прэс-служба міністэрства спорту і турызму Беларусі.
Мільярдэр распавяла, што частка ад выйгранай сумы (30 мільёнаў) яна вырашыла накіраваць на лячэнне трохгадовай Алены Стацевич з Ліды, якая пакутуе на анкалагічнае захворванне. Яшчэ 20 мільёнаў рублёў атрымаў прыход храма Прападобнага Серафіма Сароўскага.
Як растлумачылі Sputnik ў Міністэрстве па падатках і зборах, жанчыне не прыйдзецца выплачваць з гэтай сумы падаходны падатак.
"Падаходны падатак спаганяцца не будзе на падставе палажэнняў артыкула 163 пункта 1.23 Падатковага кодэкса Беларусі", — сказалі ў МПЗ, дадаўшы, што ў 2016 годзе спаганяецца падаходны падатак у памеры 4% з выйгрышаў у казіно ці ад азартных інтэрнэт-гульняў.
