МІНСК, 25 лют — Sputnik. Чатыры візавых цэнтра Польшчы адкрыюцца ў Беларусі з 1 сакавіка, паведамілі Sputnik у пасольстве Польшчы ў Беларусі.
"Жыхары Беларусі будуць мець магчымасць падаць заяўку на польскія візы, а таксама ўзоры біяметрычных дадзеных у адным месцы і добразычлівай атмасферы", — адзначылі ў польскай дыпмісіі.
Візавыя цэнтры спачатку адкрыюцца ў Мінску, Брэсце, Гродне і Гомелі, а праз месяц з'явяцца яшчэ чатыры цэнтра — у Магілёве, Лідзе, Баранавічах і Пінску. Кошт паслуг цэнтраў складзе 15 еўра.
"Адкрыццё візавых цэнтраў дазволіць значна аблегчыць працэс атрымання польскія візы для грамадзян Беларусі", — адзначыў часовы павераны ў справах пасольства Польшчы ў Мінску Міхал Хаброс.
У сталіцы візавы цэнтр будзе размяшчацца ў Бізнэс-цэнтры SV Plaza па вуліцы Чыгуначнай, у Брэсце — у доме 208А-1 па вуліцы Маскоўскай, у Гродне — у доме №89 па вуліцы Горкага, у Гомелі — па адрасе вул. Пушкіна, д. 2.
