МІНСК, 26 лют — Sputnik. Папулярнаму спеваку Максу Каржу забаранілі ўезд ва Украіну, пра гэта выканаўца паведаміў на сваёй старонцы ў сацсетцы Instagram, выклаўшы фота старонкі пашпарта са штампам аб забароне.
Спявак павінен быў пачаць у сакавіку тур па Украіне: канцэрты былі запланаваны ў Крывым Рогу, Палтаве, Днепрапятроўску, Харкаве і Івана-Франкоўску.
"У мяне для вас не вельмі добрая навіна: на дадзены момант мне часова забаронены ўезд ва Украіну. Прычыны не паведамілі. У афіцыйных спісах забароненых мяне няма, але ўсё ж ўезд закрыты", — напісаў Корж.
Ён таксама адзначыў, што тур пераносіцца, а сітуацыя з забаронай на ўезд "будзе вырашацца".
У жніўні мінулага года Мінкульт Украіны апублікаваў так званы чорны спіс дзеячаў культуры з РФ, якія, на думку ўкраінскіх уладаў, "ствараюць пагрозу нацыянальнай бяспекі" краіны, сярод іх — Міхаіл Баярскі, Сяргей Бязрукаў, Жэрар Дэпардзье, Іосіф Кабзон, Іван Ахлабысцін, Алег Газманаў, Мікалай Растаргуеў, Міхаіл Парэчанкаў, Рыгор Лепс, спявачка Валерыя і яе муж прадзюсар Іосіф Прыгожын. Акрамя таго, забарона на наведванне Украіны быў таксама ўведзены ў дачыненні да лідэра амерыканскага гурта Limp Bizkit Фрэда Дзёрста.
