МІНСК, 26 лют — Sputnik. Аддзяленне Міжнароднай арганізацыі Чырвоны Крыж раздаў у Сальвадоры vip-квіткі донарам на канцэрт рок-гурта Iron Maiden у абмен на кроў, паведамляе тэлерадыёвяшчальная карпарацыя BBC.
На акцыю адгукнуліся дзесяткі фанатаў брытанскай рок-групы, канцэрт якой запланаваны ў Сан-Сальвадоры 6 сакавіка. Кроў здалі 150 чалавек, хоць бясплатна было раздадзена толькі 50 квіткоў.
Медыкі "Чырвонага Крыжа" адзначылі, што падобныя акцыі матывуюць сотні людзей да таго, каб стаць донарамі. Пры гэтым людзі не толькі радаваліся атрыманню квітка на канцэрт, але і адчувалі гонар, што аказалі дапамогу тым, каму яна патрэбна.
Брытанскі рок-гурт Iron Maiden здабыла сусветную вядомасць у 80-х гадах мінулага стагоддзя ў жанры "хэві-метал". Гурт запісаў 15 альбомаў, звыш 100 мільёнаў копій якіх былі прададзеныя. Музыка Iron Maiden аказала ўплыў на новае пакаленне метал-гуртоў, у прыватнасці на Metallica і Avenged Sevenfold.
