МІНСК, 3 сак — Sputnik. Заработная плата кіраўніка экіпажа ў "Белавія" складае 50-60 мільёнаў рублёў, другога пілота — 80% ад заробку камандзіра, паведаміў у чацвер журналістам генеральны дырэктар авіякампаніі Анатоль Гусараў.
Разам з падзеннем даходаў беларусаў у даляравым эквіваленце сталі менш зарабляць і супрацоўнікі "Белавія".
"Бортправаднікі ў сярэднім атрымліваюць 12-13 мільёнаў у месяц, камандзір экіпажа — 50-60 мільёнаў, а другі пілот 80% ад гэтай сумы", — сказаў Гусараў.
Паводле слоў кіраўніка "Белавія" зарплата супрацоўнікаў супастаўная з авіякампаніямі Расіі.
"Вядома, менш, чым у "Аэрафлоце", але годна", — падкрэсліў ён.
На сітуацыю з заробкамі ў нацыянальнай авіякампаніі ўплывае і агульнае падзенне даходаў беларусаў, прызнаўся Гусараў. Раней ён заяўляў, што пілот з дзесяцігадовым досвідам працы атрымлівае восем-дзевяць тысяч даляраў у месяц.
Паводле яго слоў, такі ўзровень заробкаў прадыктаваны высокай ступенню адказнасці пілотаў.
"Ён павінен прымаць рашэнні ў паветры, адказвае за бяспеку", — растлумачыў гендырэктар "Белавія".
Тады ж Гусараў прызнаўся, што "пілоты" Белавія "зарабляюць больш за генеральнага дырэктара і, магчыма, кіраўніцтва "Белтэлерадыёкампаніі".
