Скардзіна паскардзілася на слізгаценне падчас змешанай эстафеты на ЧС

© Sputnik / Мария Плотникова / Перайсці ў медыябанкБеларуская біятланістка Надзея Скардзіна
Беларуская біятланістка Надзея Скардзіна - Sputnik Беларусь
Падпісацца
Лідар жаночай зборнай прызналася, што на трэці круг у яе не хапіла сіл і, магчыма, яна "залішне выдаткавалася" на самым старце, спрабуючы заваяваць найлепшую пазіцыю.

МІНСК, 3 сак — Sputnik. Беларуская біятланістка Надзея Скардзіна засталася незадаволенай слізгаценнем падчас змешанай эстафеты на Чэмпіянаце свету, паведамілі Sputnik ў прэс-службе Беларускай федэрацыі біятлона.

У чацвер у нарвежскім Халменкалене стартаваў Чэмпіянат свету па біятлоне, адкрывала праграму спаборніцтваў змешаная эстафета. Уладальнікамі залатых медалёў у гэтай дысцыпліне сталі французы, "серабро" ў немцаў, трэцімі да фінішу прыехалі нарвежцы. Беларусы паказалі дзевяты вынік з лепшай стральбу з усіх (быў выкарыстаны адзін дадатковы патрон) і прайграўшы лідэрам больш за дзве хвіліны.

"Украінка Семярэнка на спусках накатвала мяне вельмі інтэнсіўна. Гэта — факт. Зрэшты, на апошнім крузе і сіл стала менш, што таксама — відавочна. Са старту спрабавала падняцца з чацвёртай лініі вышэй і, магчыма, залішне выдаткавалася. Але вылазіць трэба было — таксама не паспрачаешся. Другі круг хуткасць атрымалася пратрымацца, а вось на трэці сіл, сапраўды не хапіла. Таксама слізгаценне пакідала жадаць лепшага", — пракаментавала гонку Скардзіна.

Для беларускай каманды гэтая змяшаная эстафета стала трэцяе ў сезоне, раней зборная перасякала фінішную рысу сёмы і 12-й.

Чэмпіянат свету працягнецца 5 сакавіка адразу двума гонкамі — мужчынскім і жаночым спрынтам.

Праграма спаборніцтваў Чэмпіянату свету:

 

  • 5 сакавіка 13:30. Спрынт, мужчыны, 10 км;
  • 5 сакавіка 16:30. Спрынт, жанчыны, 7,5 км;
  • 6 сакавіка 15:30. Гонка пераследу, мужчыны, 12,5 км;
  • 6 сакавіка 17:45. Гонка пераследу, жанчыны, 10 км;
  • 9 сакавіка 17:30. Індывідуальная гонка, жанчыны, 15 км;
  • 10 сакавіка 17:30. Індывідуальная гонка, мужчыны, 20 км;
  • 11 сакавіка 17:30. Эстафета, жанчыны, 4 × 6 км;
  • 12 сакавіка 17:30. Эстафета, мужчыны, 4 × 7,5 км;
  • 13 сакавіка 15:00. Мас-старт, жанчыны, 12,5 км;
  • 13 сакавіка 18:00. Мас-старт, мужчыны, 15 км;

 

Час пачатку гонак — беларускі, у наўпроставым эфіры ўсе старты пакажа тэлеканал "Беларусь 5".

Стужка навiн
0