БЧ правядзе дэкаду па прафілактыцы дзіцячага траўматызму

© Photo : БЖДЦягнік гарадскіх ліній БЧ
Цягнік гарадскіх ліній БЧ - Sputnik Беларусь
Падпісацца
Работнікі БЧ разам з членамі грамадскіх арганізацый і супрацоўнікамі МУС правядуць рэйды, падчас якіх будзе нададзена ўвага дзецям і падлеткам.

МІНСК, 4 сак — Sputnik. Комплекс мерапрыемстваў па прафілактыцы дзіцячага траўматызму правядзе Беларуская чыгунка ў дні вясновых школьных канікул, паведамілі Sputnik у прэс-службе БЧ.

У рамках дэкады, якая пройдзе з 18 па 28 сакавіка, ва ўсіх аддзяленнях БЧ будзе нададзена ўвага папярэджанні траўматызму і гібелі непаўналетніх на чыгунцы.

"Работнікі БЧ сумесна з членамі грамадскіх фарміраванняў, супрацоўнікамі органаў унутраных спраў правядуць рэйды, падчас якіх нададуць асаблівую ўвагу дзецям і падлеткам, якія знаходзяцца без нагляду дарослых паблізу чыгуначных шляхоў, на вакзалах, станцыях і ў цягніках", — адзначылі ў БЧ.

Акрамя гэтага на вакзалах грамадзян будуць дадаткова інфармаваць аб мерах бяспекі на аб'ектах чыгуначнага транспарту. Таксама плануецца правядзенне растлумачальнай працы ва ўстановах адукацыі і на прадпрыемствах.

Паводле інфармацыі БЧ, з пачатку года на чыгунцы колькасць выпадкаў траўматызму зменшылася на 20% у параўнанні з мінулым годам.

Стужка навiн
0