МІНСК, 4 сак — Sputnik. Сэрвіс Uber зніжае ў Мінску кошт паслуг UberX, што прывяло да новай хвалі незадаволенасці сярод прадстаўнікоў сталічнага "класічнага" таксі.
Скандал вакол працы Uber у Мінску разгарэўся пасля адкрыцця бюджэтнага сэрвісу UberX у пачатку лютага. Сталічныя таксісты заявілі аб несумленнай канкурэнцыі сэрвісу і яго незаконнасці, пасля чаго мэр Мінска Андрэй Шорац даручыў вывучыць яго працу. Пра высновы прадстаўнікоў Мінгарвыканкама датычна сэрвісу да гэтага часу нічога невядома.
"Uber ў Мінску зніжае цэны на UberX за кошт высокай эфектыўнасці сэрвісу", — паведаміла ў пятніцу прэс-сакратар кампаніі Яўгена Шыпаў.
Так, цяпер тарыф складзе 22 тысяч рублёў за пасадку, пяць тысяч рублёў за кіламетр і 500 рублёў за хвіліну чаканні. Гэтыя тарыфы значна ніжэйшыя за тыя, па якіх працуюць сталічныя "класічныя" таксісты: там цана за пасадку пачынаецца ад 35 тысяч, вышэй і кошт кіламетру.
Сталічныя таксісты ўжо заяўлялі пра тое, што не могуць працаваць па гэтак прыніжаных коштах з-за адсутнасці саступак з боку дыспетчарскіх службаў. На думку таксістаў, іх інтарэсы наогул не ўлічваюцца, а даходаў ледзь хапае на тое, каб сябе ўтрымліваць.
Таксіст Віталь на ўмовах ананімнасці паведаміў Sputnik пра тое, што навіны пра зніжэнне коштаў у Uber большасць яго калег ўспрынялі негатыўна. "Гэта можа справакаваць новыя акцыі пратэсту", — выказаў меркаванне суразмоўца агенцтва.
Дарэчы, у лютым прадстаўнікі Uber абяцалі не зніжаць кошт сваіх паслуг і сцвярджалі, што дэмпінг не з'яўляецца іх мэтай.
