МІНСК, 9 сак — Sputnik. Польскі ўрад унёс папраўкі ў законапраект, згодна з якім электронныя цыгарэты будзе забаронена паліць у грамадскіх месцах, паведаміла ў сераду "Радыё Польшча".
Забарона "парання" будзе распаўсюджвацца на тэрыторыі адукацыйных і медустаноў, у кіно, тэатрах, кафэ, рэстаранах, на прыпынках грамадскага транспарту і самім транспарце, а таксама ў спартзалах і іншых месцах грамадскага карыстання. Парушэнне забароны будзе карацца штрафам у 120 еўра. Акрамя гэтага, пад дзеянне паправак трапляе кожны від рэкламы дадзенай прадукцыі і продаж яе ў інтэрнэт-крамах.
Раней урад Польшчы забараніў продаж электронных цыгарэт асобам, якія не дасягнулі 18-гадовага ўзросту.
Паводле інфармацыі радыё, забарона звязаная з новай пастановай Еўрасаюза.
Раней паведамлялася, што Еўрасаюз рыхтуе ўвядзенне акцызу на нікатынавую вадкасць, якая выкарыстоўваецца ў электронных цыгарэтах.
