МІНСК, 17 сак — Sputnik. Кіраўнік службы друку Святога прастола Федэрыка Ламбардзі пацвердзіў, што ў Ватыканскіх гротах, якія знаходзяцца пад алтарнай і харальнай часткамі Сабора Святога Пятра, ужо падрыхтавана месца для будучага пахавання пантыфіка.
Паводле дадзеных СМІ, гаворка ідзе пра ўсталяваны ў крыпце беламармуровы саркафаг, куты якога ўпрыгожваюць калоны. Натуральна, на камені пакуль няма ніякага надпісу.
Паводле слоў афіцыйнага прадстаўніка Ватыкана, у гэтым няма "ніякай таямніцы". "Неабходна прадугледзець, каб у Ватыканскіх гротах былі месцы пад пахаванне ў будучыні. Там заставалася толькі адна свабодная капэла, і таму мудра было прадугледзець іншыя магчымасці", — сказаў Ламбардзі.
У Ватыканскіх гротах побач з мошчамі апостала Пятра пахаваныя многія выдатныя дзеячы царквы, у тым ліку, некаторыя рымскія пантыфікі. Бенедыкту XVI (Ёзэфу Ратцынгеру), які ў лютым 2013 года добраахвотна адрокся ад Апостальскага пасаду і ў цяперашні час называецца ганаровым Папам або Папам на спакоі, 16. красавіка споўніцца 89 гадоў. Яго пераемнік, цяперашні кіраўнік Рымска-каталіцкай царквы Папа Францішак (Хорхе Марыё Бергольо) у снежні адсвяткаваў сваё 79-годдзе.
