МІНСК, 19 сак — Sputnik. Сталічная Дзяржаўтаінспекцыя заклікае вадзіцеляў быць як мага больш уважлівымі ў дні школьных канікул, якія пачнуцца ў Беларусі 21 сакавіка і прадаўжацца тыдзень.
"У мэтах папярэджання дарожна-транспартных здарэнняў з удзелам дзяцей сталічная Дзяржаўтаінспекцыя папярэджвае вадзіцеляў, што ў перыяд з 21 па 27 сакавіка 2016 года пачнуцца школьныя канікулы. У сувязі з чым ДАІ заклікае вадзіцеляў быць як мага больш пільнымі на дарозе", — паведамілі Sputnik у пятніцу ў прэс-службе УДАІ ГУУС Мінгарвыканкама.
Суразмоўцы агенцтва ўдакладнілі, што аўтааматару павінны быць гатовыя да раптоўнага з'яўлення дзяцей на дарогах.
"Выконвайце правілы праезду пешаходных пераходаў. Будзьце гатовыя да раптоўнага з'яўлення дзяцей на дарозе, асабліва паблізу дзіцячых устаноў, кінатэатраў, паркаў, прыпынкаў грамадскага транспарту", — растлумачылі ў Дзяржаўтаінспекцыі. Асобна ДАІ звярнулася і да бацькоў школьнікаў.
"Паважаныя бацькі, нагадайце дзіцяці пра найбольшую увагу на дарозе. Перавозіце дзяцей толькі ў дзіцячых утрымлівальных прыладах", — сказалі ў сталічнай Дзяржаўтаінспекцыі.
Там прывялі статыстыку ДТЗ за апошнія два месяцы з удзелам дзяцей. Так, за гэты перыяд у Мінску адбылося пяць дарожна-транспартных здарэнне з удзелам дзяцей, у якіх пацярпелі пяць хлопчыкаў і дзяўчынак.
"Прычынай аварыі, як правіла, становіцца пераход праезнай часткі ў неўстаноўленым месцы, нечаканы выхад з-за транспартнага сродку або іншай перашкоды, невыкананне вадзіцелямі правілаў праезду пешаходных пераходаў, хуткасных рэжымаў", — дадалі ў ДАІ.
У сувязі з гэтым Дзяржаўтаінспекцыя заклікала і саміх дзяцей быць больш уважлівымі.
