МІНСК, 22 сак — Sputnik. Паліцыя эвакуіруе пасажыраў, якія знаходзяцца ў аэрапорце Брусэля пасля двух выбухаў, прычына якіх пакуль невядома, паведамілі ў аўторак мясцовыя інфармагенцтвы.
Паводле інфармацыі сведак здарэння, над будынкам тэрмінала аэрапорта Zaventem узнімаюцца клубы дыму. Паведамляецца, што дыспетчары затрымліваюць рэйсы, якія ў бліжэйшы час павінны прызямліцца ў Брусэлі і перанакіроўваюць іх у Антвэрпэн. Акрамя гэтага, у мэтах бяспекі прыпынена чыгуначнае паведамленне з аэрапортам.
Scena da una delle due esplosioni poco fa all'aeroporto di #Bruxelles @AAhronheim via @Conflicts pic.twitter.com/RC4KK5tEv8
— NoJusticeNoPeace (@anubidal) 22 марта 2016 г.
Паведамляецца, што выбух адбыўся каля стойкі рэгістрацыі авіякампаніі American Airlines.
Паводле інфармацыі СМІ, у выніку выбухаў некалькі чалавек атрымалі раненні, аднак дакладная колькасць пацярпелых невядома.
На месца здарэння прыбылі машыны экстраных службаў, паліцыя ачапіла будынак аэрапорта.
