МІНСК, 23 сак — Sputnik. Грамадзян Беларусі сярод пацярпелых і загінуўшых у выніку серыі тэрактаў, якія адбыліся ў аўторак у Брусэлі, няма, паведаміла міністэрства замежных спраў Беларусі ў афіцыйным акаўнце ў Twitter.
Серыя выбухаў прагрымела 22 сакавіка ў сталіцы Бельгіі — два ў міжнародным аэрапорце Брусэля і адзін — на станцыі метро Мальбек. У выніку здарэння загінулі не менш за 34 чалавек, каля 230 атрымалі раненні.
"Паводле дадзеных антыкрызіснага цэнтра МЗС Бельгіі, у спісах загінуўшых і пацярпелых у выніку тэракту 22 сакавіка грамадзян Беларусі няма", — гаворыцца ў паведамленні МЗС.
#Бельгия: По данным антикризисного центра МИД Бельгии, в списках погибших и пострадавших в результате терактов 22 марта граждан Беларуси нет
— МИД Беларуси (@BelarusMID) 23 марта 2016 г.
У сувязі з тэрактамі ўлады ўвялі ў Бельгіі чацвёрты, максімальны ўзровень тэрарыстычнай пагрозы. Адказнасць за выбухі ўзяла на сябе групоўка "Ісламская дзяржава". Паводле апошніх дадзеных, асобы двух падазраваных у здзяйсненні тэрактаў у міжнародным аэрапорце бельгійскай сталіцы ўстаноўлены — імі апынуліся браты Ібрагім і Калімаў эль Бакрауі. Яшчэ аднаго падазраванага ў датычнасці да таго, што здарылася абвясцілі ў міжнародны вышук.
У краіне таксама аб'яўлена трохдзённая жалоба. Прэзідэнт Беларусі Аляксандр Лукашэнка асудзіў тэракты і выказаў свае спачуванні бельгійцам. Пазней з падобнай заявай выступіў і кіраўнік МЗС рэспублікі Уладзімір Макей.
