МІНСК, 23 сак — Sputnik. Расійскі спявак Філіп Кіркораў апублікаваў у сацыяльных сетках фатаграфію букета з паштоўкай за подпісам прэзідэнта Беларусі Аляксандра Лукашэнкі.
Кіркораў даў канцэрт у Мінску напярэдадні вечарам. Як паведаміў выканаўца, пасля выступлення яго ў грымёрцы чакаў "сюрпрыз" ад прэзідэнта Беларусі.
Подарок, который меня ждал в гримёрке в Минске от президента республики Беларусь Александра Григорьевича Лукашенко pic.twitter.com/lKV2KGkFuj
— Филипп Киркоров (@fkirkorov) 23 марта 2016 г.
У букеце — ружы і вясновыя кветкі, а таксама паштоўка за подпісам кіраўніка дзяржавы. Зрэшты, пра падарунак расійскаму спеваку ў прэс-службе беларускага лідэра пакуль што не заяўлялі.
У 2012 годзе Лукашэнка ўзнагародзіў Кіркорава ордэнам Францыска Скарыны — за вялікі ўнёсак у развіццё культуры. Двойчы (у 2005 і ў 2007 гадах) Кіркораў рыхтаваў беларускіх артыстаў для "Еўрабачання", а яго падапечны Дзмітрый Калдун прывёз у Беларусь лепшы за гісторыю на конкурсе вынік. Пасля гэтага, дарэчы, спявак наракаў, што яго ніхто не падзякаваў і "нават кветачкі ніхто не ўручыў".
