МІНСК, 24 сак — Sputnik. Беларуская чыгунка ў сувязі з пераходам краін Еўрасаюза і Украіны на летні час у ноч з 26 на 27 сакавіка правяла карэкціроўку раскладу міжнародных цягнікоў, паведамілі Sputnik ў прэс-службе БЧ.
Дадзеныя змены узгоднены з чыгуначнымі адміністрацыямі Латвіі, Літвы, Польшчы, Расіі і Украіны.
Так, цягнік № 805 Мінск — Вільня, які адпраўляўся з Мінска ў 8:00 і прыбываў у канчатковы пункт у 9:30, з 27 сакавіка будзе прыбываць у Вільню ў 10.30 (час адпраўлення з Мінска застанецца без змен), а цягнік № 806 Вільнюс — Мінск, якія выязджаў са сталіцы Літвы ў 18:12 і прыбываў у сталіцу Беларусі а 21:42, з 27 сакавіка будзе адпраўляцца з Вільні ў 19:12, час прыбыцця ў Беларусь не зменіцца.
Карэкціроўкі таксама закранулі і міжнародныя цягнікі ў кірунках Украіны і Польшчы: цягнік № 86 Мінск — Кіеў, які адпраўляўся са сталіцы Беларусі ў 22:10 і прыбываў у Кіеў у 7:51, з 27 сакавіка будзе адпраўляцца з Мінска а 22:42 і прыбываць у Кіеў у 8:52. У адваротным кірунку цягнік № 85 пасля пераходу на летні час будзе адпраўляцца з Кіева а 22:28 і прыбываць у сталіцу Беларусі ў 08:38.
Па дадзеных БЧ, цягнік № 9 Масква — Варшава, у складзе якога курсуюць прычапныя вагоны Мінск — Варшава, з 27 сакавіка будзе адпраўляцца са сталіцы Беларусі ў 23:56 і прыбываць у Варшаву г. у 9:09. Пры праездзе з Варшавы з 27 сакавіка цягнік № 10 Варшава — Масква будзе адпраўляцца з Варшавы ў 18:40 і прыбываць у Мінск у 06:33.
"У сувязі са зменамі ў графіку руху міжнародных цягнікоў скарэктавана і расклад цягнікоў рэгіянальных і міжрэгіянальных ліній, якія курсуюць па тэрыторыі Беларусі", — сказалі ў БЧ.
