МІНСК, 28 сак — Sputnik. Безгаспадарная торба знойдзена на паркоўцы ў цэнтры Мінска, перадае карэспандэнт Sputnik з месца падзей.
Дарожная сумка была знойдзена на аўтастаянцы каля офіса мабільнага аператара Velcom блізу вуліцы Мельнікайтэ. Паводле інфармацыі карэспандэнта Sputnik, да торбы супрацоўнікі міліцыі пакуль не набліжаюцца. Тэрыторыя паркоўкі ачэплена міліцыянтамі.
Як паведамілі Sputnik у ГУУС Мінска, у сувязі з выяўленнем падазронай безгаспадарнай сумкі праводзіцца праверка, на месцы працуюць сапёры, супрацоўнікі міліцыі.
"Прадпрыняты традыцыйны ў такіх выпадках комплекс неабходных мер", — сказалі ў ГУУС.
У лютым гэтага года з-за безгаспадарнай сумкі быў ачэплены прыпынак грамадскага транспарту ў цэнтры Брэста. У выніку ў сумцы былі выяўленыя забытыя рэчы.
