МІНСК, 30 сак — Sputnik. Развітанне з паэтам Нілам Гілевічам пройдзе 1 красавіка ў Свята-Петра-Паўлаўскім саборы Мінска, паведаміў Sputnik у сераду старшыня Саюза беларускіх пісьменнікаў Барыс Пятровіч (Сачанка).
Апошні Народны паэт Беларусі Ніл Гілевіч памёр у бальніцы ўвечары ў аўторак, 29 сакавіка. Да гэтага ён некалькі гадоў хварэў.
"Развітанне з Гілевічам пройдзе ў пятніцу 1 красавіка ў Свята-Петра-Паўлаўскім саборы, які размешчаны на Нямізе. Доўжыцца яно будзе з 11 гадзін да гадзіны дня, пазней пачнецца паніхіда", — распавёў Sputnik кіраўнік СБП.
Пахаваюць паэта на Кальварыйскіх могілках у Мінску.
"Ці не маю інфармацыі пра тое, ці прыме якое-небудзь удзел Мінкульт", — дадаў старшыня саюза пісьменнікаў.
Каментароў ў самім міністэрстве культуры датычна магчымага ўдзелу дзяржавы ў пахаванні класіка Sputnik пакуль што атрымаць не ўдалося. Нілу Гілевічу было 84 гады. У 2013-м годзе было выпушчана поўнае збору яго твораў, якое паэт публікаваў за ўласны кошт невялікім накладам.
