МІНСК, 30 сак — Sputnik. Білборды з рэкламай турыстычнага патэнцыялу Мінска з'явяцца на вуліцах Рыгі і Тбілісі ў бліжэйшы час, паведамілі Sputnik у Інфармацыйна-турысцкім цэнтры "Мінск".
Мінск ужо мяняўся рэкламнымі плакатамі — з Санкт-Пецярбургам. У бліжэйшы час чакаюцца білборды з рэкламай беларускай сталіцы ў Рызе і Тбілісі, а ў Мінску можна будзе ўбачыць рэкламу гэтых гарадоў.
"Рэклама горада ніколі не бывае лішняй, і гэта толькі добрая справа. З'явяцца білборды ў самы бліжэйшы час", — запэўнілі ў Інфармацыйна-турысцкім цэнтры.
На плакатах будуць намаляваны славутасці горада: Траецкае прадмесце, "Мінск-Арэна", брамы Мінска і іншыя знакавыя беларускія мясціны.
На сталіцах Грузіі і Латвіі справа не спыніцца. Неўзабаве можна казаць аб абмене рэкламай з Кішынёвам і Бішкекам, а таксама іншымі гарадамі-пабрацімамі Мінска.
У развіцці праекта актыўны ўдзел прыняў і асабіста мэр горада Андрэй Шорац.
