Паляванне на бабра ў Беларусі будзе каштаваць 6 рублёў, на зубра – да 16 тыс.

© Sputnik / Дмитрий Дебабов / Перайсці ў медыябанкКазулі
Казулі - Sputnik Беларусь
Падпісацца на
НовостиTelegram
Новыя цэны вызначаны з улікам дэнамінацыі, а таксама ў залежнасці ад віду асобіны (маладняк, самка, самец) і ўступяць у сілу з 1 ліпеня бягучага года.

МІНСК, 1 кра — Sputnik. Устаноўлены мінімальны кошт дазволу на здабычу паляўнічых жывёл у Беларусі, адпаведнае рашэнне прынята пастановай Саўміна Беларусі ад 29 сакавіка гэтага года, паведамляецца на Нацыянальным прававым інтэрнэт-партале.

Новыя цэны ўстаноўлены з улікам дэнамінацыі, якая адбудзецца 1 ліпеня. Паводле дэнамінацыі адзін новы рубель будзе роўны ранейшым 10 тысячам, таксама ў рэспубліцы з'явяцца манеты і капейкі. Аднак да канца года ўсе павінны будуць указваць цэны ў старых і новых грошах.

"Да прыкладу, мінімальная цана на паляўнічую пуцёўку на адзін дзень складзе 3 рублі, на адзін сезон палявання — 20 рублёў. Мінімальны кошт паляўнічых пуцёвак да дазволах на здабычу паляўнічай жывёлы (з кожнага паляўнічага) — 4 рублі на ўсе віды капытных і на глушака / цецерука", — гаворыцца ў паведамленні.

Там падкрэсліваецца, што мінімальны кошт дазволу на здабычу паляўнічых жывёл вагаецца:

  • на зубра ад 1 000 да 16 000 рублёў;
  • на лася — ад 100 да 400 рублёў;
  • на аленя высакароднага, плямістага або лань — ад 80 да 400 рублёў;
  • на казулю або муфлона — ад 20 да 50 рублёў;
  • на дзіка — ад 15 да 80 рублёў.

"Таксама ўстаноўлены мінімальныя цэны на паляванне на бабра (6 рублёў), на выдру (20 рублёў), на глушака (50 рублёў)", — адзначаецца на сайце.

Пастанова ўступіць у сілу з 1 ліпеня.

Стужка навiн
0