МІНСК, 4 кра — Sputnik. Базавыя падручнікі з'явяцца ў беларускіх школах у наступным навучальным годзе, паведаміў у эфіры тэлеканала "Беларусь 1" міністр адукацыі Беларусі Міхаіл Жураўкоў.
У снежні мінулага года прэзідэнт рэспублікі Аляксандр Лукашэнка запатрабаваў разабрацца з праблемай выдання падручнікаў і падрыхтаваць новыя навучальныя дапаможнікі.
"Сёлета мы сталі ўкараняць у якасці эксперыменту базавы падручнік, уводзім паступова профільнае навучанне, новыя навучальныя праграмы. Плануем у новым навучальным годзе шырэй ўвесці ў школах і гімназіях базавыя падручнікі і падручнікі-навігатары", — сказаў Жураўкоў.
Так званыя базавыя падручнікі дапамогуць школьнікам атрымаць агульныя веды аб прадмеце, якія могуць спатрэбіцца дзіцяці ў жыцці.
"Што тычыцца тых, хто захоча вывучаць прадмет глыбей, то тут мы таксама рыхтуемся — актыўна ўкараняем розныя дадатковыя матэрыялы і падручнікі на прасунутым узроўні. Спадзяюся, што да канца 2016 га — пачатку 2017 года базавых падручнікаў будзе ўжо дзясятак", — дадаў кіраўнік Мінадукацыі.
Пры распрацоўцы навучальных праграм і падрыхтоўцы дапамог перад спецыялістамі паставілі новую ўмову — сувязь розных падручнікаў паміж сабой.
"Калектывы рэальна адсачылі міжпрадметныя сувязі. Так, напрыклад, падручнік па матэматыцы абавязкова звязаны з тым, што вывучаюць па фізіцы або хіміі. Калі тэму не прайшлі па матэматыцы, яе складана прайсці па фізіцы, а значыць, трэба даваць яе пазней. Паступова ўсё няўзгодненасці мы прыбярэм", — сказаў на заканчэнне Жураўкоў.
