МІНСК, 4 кра — Sputnik. Змены ў заканадаўства аб адміністрацыйных парушэннях пачалі дзейнічаць 4 красавiка — адпаведная норма ўтрымліваецца ў законе №351-З ад 4 студзеня 2016 года.
Найбольшы рэзананс у грамадстве могуць выклікаць папраўкі, якія павялічваюць адказнасць за несанкцыянаваны гандаль ў грамадскіх месцах. Артыкул 12.17 КаАП цяпер прадугледжвае пакаранне за продаж тавараў з рук у неўсталяваных для гандлю месцах або без адпаведнага дазволу ўладаў — штраф у памеры ад 5 да 50 базавых велічынь (раней санкцыі прадугледжвалі папярэджанне або штраф да 3 БВ). Таксама ўведзена ўзмоцненая адказнасць у дачыненні да фізічных асоб за продаж тавараў, рэалізацыя якіх патрабуе атрымання спецыяльнага дазволу (алкаголь, цыгарэты).
Асобны блок заканадаўчых новаўвядзенняў прысвечаны рэгуляванні паводзін грамадзян і арганізацый, якія эксплуатуюць маламерныя суда.
Змены таксама закранулі шэраг іншых палажэнняў КаАП і ПВКаАП, у прыватнасці, дэталізаваны фармулёўкі артыкулаў, якія прадугледжваюць адказнасць за парушэнне аўтарскіх правоў, правядзення адміністрацыйных працэдур, устаноўленага парадку страхавання, правядзення работ і закупак у будаўніцтве.
Артыкул аб незаконным пахаванні выкладзены ў новай рэдакцыі — заканадаўцы адмянілі адказнасць службовых асоб за неабгрунтаваную адмову ад прадастаўлення ўчастка для магілы.
