МІНСК, 4 кра — Sputnik. Вясновая сесія Палаты прадстаўнікоў Нацыянальнага сходу Беларусі адкрылася ў панядзелак у Мінску, перадае карэспандэнт Sputnik з Авальнай залы беларускага парламента.
Гэта будзе апошняя сесія Палаты прадстаўнікоў Нацыянальнага сходу пятага склікання: чарговыя парламенцкія выбары павінны адбыцца ў краіне не пазней за сярэдзіну верасня. Такім чынам, падчас восеньскай сесіі беларускі парламент будзе працаваць ужо ў абноўленым складзе.
Падчас вясновай сесіі беларускія парламентарыі разгледзяць шэраг важных законапраектаў. У тым ліку праекты законаў аб ваеннай дактрыне Беларусі, аб унясенні змяненняў і дапаўненняў у кодэкс Беларусі аб нетрах і ў кодэкс аб зямлі. Таксама дэпутаты абмяркуюць праграму дзеянняў беларускага ўрада на наступныя пяць гадоў.
Як раней заяўляў старшыня ніжняй палаты беларускага парламента Уладзімір Андрэйчанка, падчас вясновай сесіі дэпутаты разгледзяць каля 60 законапраектаў.
