МІНСК, 5 кра — Sputnik. Іспанская "Барселона" атрымала перамогу ў першым чвэрцьфінальным матчы Лігі чэмпіёнаў супраць мадрыдскага "Атлетыка", у паралельным паядынку мюнхенская "Баварыя" святкавала перамогу над партугальскай "Бенфікай".
У аўторак праз невялікую паўзу Ліга чэмпіёнаў вярнулася на еўрапейскія футбольныя арэны — стартавалі чарговыя матчы накаўт-раўнда самага прэстыжнага еўракубкавага турніру Старога Свету.
У Барселоне на стадыёне "Камп Ноў" мясцовая каманда прымала гасцей са сталіцы Іспаніі — мадрыдскі "Атлетыка". Лік на 25-й хвіліне адкрыў Фернанда Торэс, аднак ужо праз дзесяць хвілін гульні ён пакінуў поле, атрымаўшы другую жоўтую картку. Колькаснай перавагай скарысталіся гаспадары: на 63-й хвіліне Луіс Суарэс зраўняў лічбы на табло, а на 74-й уругваец вызначыўся дублем.
Выніковы лік — 2: 1. Сустрэча ў адказ каманд адбудзецца на мадрыдскім стадыёне "Вісэнтэ Кальдэрон" 13 красавіка.
Вікторыю ў паралельным матчы святкавалі футбалісты мюнхенскай "Баварыі", якія прымалі на "Альянц Арэне" партугальскую "Бенфіку". Паядынак завяршыўся з лікам 1: 0. Адзіны гол у складзе пераможцаў у свой актыў запісаў Артура Відаль (2-я хвіліна).
Сустрэча ў адказ каманд адбудзецца ў Лісабоне 13 красавіка.
