Напярэдадні адкрыцця прэс-цэнтра кіраўнікі медыягрупы "Россия сегодня" сустрэліся з кіраўнікамі МЗС і Мінінфарма Беларусі, паслом РФ Аляксандрам Сурыкавым.
Цырымонія адкрыцця, якая адбылася ў чацвер 7 красавіка, была прымеркавана да 20-годдзя са дня падпісання першага дагавора аб стратэгічным партнёрстве Беларусі і Расіі.
Гендырэктар МІА "Россия сегодня" Дзмітрый Кісялёў і кіраўнік Мінінфарма Беларусі Лілія Ананіч афіцыйна адкрылі мультымедыйны прэс-цэнтр Sputnik Беларусь і пажадалі праекту працаваць на карысць Беларусі і Расіі.
Канферэнцыя з удзелам высокіх гасцей, прэс-сакратароў міністэрстваў і ведамстваў Рэспублікі Беларусь, а таксама журналістаў, прайшла ў фармаце тэлемосту паміж Масквой і Мінскам.
Прэс-цэнтр распачаў сваю працу па адрасе вуліца Камуністычная, 86. Гэта сучасная медыйная пляцоўка, высокатэхналагічнае абсталяванне якой дазволіць праводзіць мерапрыемстваў самага рознага фармату — ад прамых тэлевізійных трансляцый да відэамастоў з рознымі кропкамі свету.
Прэс-зала разлічана на 40 месцаў, таксама ў ім будзе ўся інфраструктура для прыёму і перадачы інфармацыі, у тым ліку Wi-Fi і сістэма для сінхроннага перакладу.
Sputnik (sputniknews.com) — навінавае агенцтва і радыё з мультымедыйнымі інфармацыйнымі хабамі ў дзесятках краін. Sputnik складаецца з сайтаў больш чым на 30 мовах, аналагавага і лічбавага радыёвяшчання, мабільных прыкладанняў і старонак у сацыяльных сетках. Навінавыя стужкі Sputnik кругласутачна выходзяць на англійскай, арабскай, іспанскай і кітайскай мовах.
