МІНСК, 8 кра — Sputnik. Міністр замежных спраў Уладзімір Макей падтрымілвае вяшчанне інфармацыйнага агенцтва Sputnik Беларусь на нацыянальнай мове, аб гэтым кіраўнік знешнепалітычнага ведамства заявіў падчас прэс-канферэнцыі ў МІА "Россия сегодня".
Інфармацыйнае агенцтва і радыё Sputnik мае версіі на дзвюх мовах — рускай і беларускай. Пры гэтым Sputnik — першае расійскае СМІ, якое пачало працаваць на тэрыторыі Беларусі з нацыянальнай мовай.
"Я толькі вітаю падобнае. У нас, дарэчы, дзве дзяржаўныя мовы. Калі нас абвінавачваюць у тым, што мы займаемся антырусіфікацыяй ці іншымі падобнымі з'явамі — гэта абсалютна неапраўдана і беспадстаўна. У нас дзве раўнапраўныя дзяржаўныя мовы", — сказаў Макей.
Міністр замежных спраў таксама дадаў, што руская мова больш распаўсюджана ў рэспубліцы "і ў справаводстве, і ў іншых сферах".
"Так склалася з-за гістарычных умоў: і ў Савецкім Саюзе мы больш гаварылі на рускай мове. Гэта была наша дзяржаўная мова. Але і беларуская — таксама, вядома. І мы яе павінны развіваць. Таму вяшчанне расійскіх СМІ на беларускай мове я магу толькі павітаць", — дадаў Макей.
