МІНСК, 11 кра — Sputnik. Пенсійны ўзрост у Беларусі будзе паэтапна павышаны на 3 гады. Новаўвядзенне распаўсюджваецца як на звычайных пенсіянераў, так з на вайскоўцаў.
Прэзідэнт Рэспублікі Беларусь Аляксандр Лукашэнка 11 красавіка падпісаў Указ № 137 "Аб удасканаленні пенсійнага забеспячэння". Раней кіраўніку дзяржавы прапаноўвалі тры варыянты рэфармавання пенсійнай сістэмы: зыходзячы з эканамічных магчымасцяў, гендэрнай роўнасці і сацыяльных інтарэсаў грамадства.
"Прадугледжваецца з 1 студзеня 2017 года паэтапнае штогадовае павышэнне на 6 месяцаў агульнаўстаноўленага пенсіённага ўзросту да дасягнення мужчынамі 63 гадоў, жанчынамi — 58 гадоў", — паведамілі Sputnik у прэс-службе кіраўніка дзяржавы.
Аналагічна (на 3 гады за 6 гадоў) будзе павялічаны і ўзрост, які дае права на льготныя працоўныя пенсіі і пенсіі за выслугу гадоў. Суразмерна агульнаграмадзянскаму адбудзецца і паступовае павышэнне гранiчнага ўзросту знаходжання на ваеннай службе вайскоўцаў.
Указам кіраўніка дзяржавы рэкамендавана кіраўнікам арганізацый (незалежна ад формаў уласнасці) больш шырока прымяняць практыку ўдзелу наймальнікаў і работнікаў у праграмах добраахвотнага страхавання дадатковай пенсіі.
