МІНСК, 14 кра — Sputnik. Рэклама з'яўляецца важнай часткай сучаснага бізнесу і шмат у чым уплывае на яго развіццё, заявіла ў чацвер намеснік міністра гандлю рэспублікі Ірына Наркевіч на адкрыцці фестывалю рэкламы і маркетынгу "Белы квадрат".
Прыватны фестываль рэкламы і маркетынгу праходзіць у Менску вось ужо ў восьмы раз. Важнасць падобнай падзеі адзначылі і ў профільным міністэрстве, ад якога з прывітальным словам выступіла намеснік міністра Наркевіч.
"Рэклама сёння — безумоўна, і ўпрыгожанне бізнесу", — сказала Наркевіч ў прывітанні.
Намеснік міністра прызнала, што галіна шмат у чым развіваецца дзякуючы прыватнай ініцыятыве, а да іх напрацовак звяртаецца і дзяржава пры стварэнні сацыяльнай рэкламы. Таксама рэклама, на думку прадстаўніка ведамства, уплывае і на развіццё бізнесу ў краіне.
"Разам з тым важна памятаць і тое, што разам з развіццём рэкламы неабходна выконваць заканадаўства ў гэтай сферы", — дадала чыноўнік.
Таксама прадстаўнік Мінгандлю ўзнагародзіла кіраўніка фестывалю Алену Усціновіч ганаровай граматай і адзначыла яе высокія заслугі ў рэкламнай сферы.
