МІНСК, 15 кра — Sputnik. Былая салістка гурта "Ленінград" Аліса Вокс выпусціла кліп на песню "Держи" ("Трымай") і апынулася ў цэнтры скандалу з-за абвінавачванняў у плагіяце.
Вокс пакінула "Ленінград" у сакавіку праз рознагалоссі з лідэрам калектыву Сяргеем Шнуравым, які адзначыў, што з багінямі ён не ўмее. Слава прыйшла да спявачкі пасля выканання песні "Экспанат".
Дэбютны кліп Вокс выпусціла 14 красавіка. Адразу ж спявачку абвінавацілі ў плагіяце — справа ў тым, што яна зрабіла кавер на кампазіцыю нябожчыка ўкраінскага спевака Кузьмы Скрабіна "Трымай її за руку". Менеджэры нябожчыка выканаўцы адзначаюць, што гэта незаконна, а сама Вокс нідзе не пазначыла, што гэта кавер.
Песню Вокс пераклала на рускую мову, таксама яна крыху памяняла аранжыроўку.
Аліса Вокс была салісткай "Ленінграда" з 2012 года, пасля таго як Юлія Коган зацяжарыла і пакінула групу.
