МІНСК, 21 кра — Sputnik. Міністр унутраных спрў Беларусі Ігар Шуневіч лічыць абгрунтаванай жорсткую рэакцыю ДАІ на факт ДТЗ, у якім пацярпеў супрацоўнік Дзяржаўтаінспекцыі.
Рэзананснае ДТЗ адбылося ў Мінску ў мінулы панядзелак: супрацоўнік ДАІ спрабаваў спыніць матацыкліста, у выніку і інспектар, і кіроўца матацыкла апынуліся пад коламі інкасатарскай машыны. Супрацоўнік ДАІ атрымаў сур'ёзныя траўмы і знаходзіцца ў цяжкім стане. Пасля ДТЗ сталічныя байкеры пачалі паведамляць пра факты канфіскацыі іх матацыклаў.
"Я дапускаю наяўнасць прафесійнай помсты з боку супрацоўнікаў ДАІ ў межах заканадаўства", — заявіў журналістам у чацвер Шуневіч, адказваючы на пытанне пра тое, ці не з'яўляецца канфіскацыя матацыклаў своеасаблівай помстай ДАІ байкерам за пацярпелага калегу.
Кіраўнік МУС адзначыў, што помста ў межах заканадаўства — гэта жорсткія патрабаванні выканання Правілаў дарожнага руху. "А калі вы лічыце, што гэта прадузята, то схадзіце, паглядзіце на нашага супрацоўніка, які зараз змагаецца за жыццё. Ён у вельмі складаным стане", — сказаў Шуневіч.
Разам з тым ён адзначыў, што правілы дарожнага руху ў бок узмацнення жорсткасці пакуль мяняцца не будуць. "Сітуацыя пакуль пад кантролем", — сказаў Шуневіч.
