МІНСК, 21 кра — Sputnik. Прэзідэнт Беларусі Аляксандр Лукашэнка заяўляе, што не з'яўляецца прыхільнікам увядзення рэлігійнай адукацыі ў школах.
"Я гэтага рабіць не буду. Дай Бог нашым суседзям ды іншым краінам такой талерантнасці, як у нас. Мне ўсё гэта кажуць — і праваслаўныя, і каталікі, і мусульмане, і іудзеі", — сказаў кіраўнік дзяржавы, адказваючы на пытанні дэпутатаў пасля абвяшчэння штогадовага паслання парламенту і беларускаму народу.
Прэзідэнт заўважыў, што ў Беларусі жывуць прадстаўнікі мноства канфесій.
"Увядзем мы навучанне ў школе праваслаўнае, а што мне скажуць каталікі, мусульмане. А прыйдзе Сямён Барысавіч (Сямён Шапіра, старшыня Мінаблвыканкама — Sputnik), што ён скажа? Вось тут мы створым сабе праблему на роўным месцы", — прадоўжыў Лукашэнка.
Акрамя таго, адзначыў кіраўнік дзяржавы, "рэлігія… Біблія, Каран — гэта ўсё складана, я гэта вывучаў".
