МІНСК, 26 кра — Sputnik. Амерыканская кампанія Apple папярэдзіла сваіх інвестараў, што справаздача аб прыбытку за другі квартал 2015-2016 года будзе не такім шматабяцальным, як за папярэдні перыяд. Эксперты кампаніі чакаюць, што выручка за другі квартал складзе 50-53 мільярды даляраў, у той час як за папярэдні справаздачны перыяд прыбытак склаў 58 мільярдаў. Такім чынам, гэта будзе першае падзенне продажаў Apple з 2003 года.
Паводле аналітыкаў, глабальны рост продажу смартфонаў ў 2016 годзе запаволіўся на сем адсоткаў, каля 150 мільёнаў чалавек у бліжэйшыя тры гады не збіраюцца мяняць свае прылады да таго моманту, пакуль не знізяцца кошты.
Шэраг экспертаў лічыць, што продажы iPhone могуць абваліцца, аднак сітуацыю ратуе попыт на "разумныя гадзіннікі". Пакуль кампанія не раскрывае дадзеных продажаў, але паводле ацэнак аналітыкаў, каля 12 мільёнаў гадзіннікаў пры сярэдняй цане ў 500 даляраў за асобнік былі прададзеныя на працягу года. З іншага боку, многія карыстальнікі Apple Watch незадаволеныя працай прылады, у прыватнасці тым, што яно злучаецца толькі з iPhone і вымагае штодзённай падзарадкі.
Аднак, паводле прагнозащ аналітыкаў, з часам Apple Watch будуць мадэрнізаваны, палепшаныя і стануць незаменнай прыладай.
