МІНСК, 29 кра — Sputnik. Моладзевы аўтапрабег "Памяць" пройдзе 9 мая ў Мінску, паведамілі Sputnik арганізатары. Аўтапрабег прысвечаны Дню Перамогі ў Вялікай Айчыннай вайне. Яго ўдзельнікі хочуць такім чынам ушанаваць памяць герояў і ўскласці кветкі да брацкай магілы.
Аднак удзельнікі аўтапрабегу гэтым не абмяжуюцца: яны намерваюцца сваімі сіламі акультурыць адзін з мемарыялаў Вялікай Айчыннай Вайны — брацкую магілу блізу вёскі Пяцеўшчына Мінскага раёна.
У брацкай магіле пахавана 45 воінаў і партызан, якія загінулі ў чэрвені 1941 года ў баях пры абароне вёскі Пяцеўшчына, і ў чэрвені 1944 года пры яе вызваленні.
Ужо 9 мая калона аўтааматараў ў суправаджэнні ДАІ паедзе да мемарыяла, дзе ўдзельнікі ўскладуць кветкі і ўспомняць герояў бітваў.
Ганаровым удзельнікам аўтапрабегу будзе старшыня Мінскага раённага савета ветэранаў — Майсееў Анатоль Міхайлавіч. Таксама мерапрыемства праходзіць пры падтрымцы Мінскага райвыканкама і УУС Мінаблвыканкама.
