МІНСК, 3 мая — Sputnik. Аляксандр Лукашэнка павіншаваў заслужаную артыстку Расіі Наталлю Андрэйчанка і адзначыў, што "яе дзіўны талент дазволіў стварыць выдатныя жаночыя вобразы, ўпадабаныя мільёнамі гледачоў", паведаміла прэс-служба кіраўніка дзяржавы.
Актрыса не аднойчы прызнавалася, што найлепшай сваёй роляй лічыць прыгажуню сібірачку Насцю Саломіну ў "Сібірыядзе" Андрона Канчалоўскага (1978 год). Гэты фільм атрымаў Спецыяльны прыз журы на фестывалі ў Канах. І маладую актрысу ўключылі ў дэлегацыю для паездкі на кінафестываль — найвышэйшая ўзнагарода тых часоў для маладой выканаўцы.
Але па-сапраўднаму знакамітай яна стала ў 1983 годзе. Андрэйчанка бездакорна ўвасобіла вобраз ангельскай лэдзі на савецкім экране. Яе Мэры Попінс стала сапраўднай "іконай стылю" для многіх савецкіх жанчын, пазбаўленых доступу да сусветных модных трэндаў. Ёй пераймалі, на яе хацелі быць падобнымі.
А вось кінакрытыкі аднадушна лічаць найлепшай яе роляй Любу Анціпаву ў "Ваенна-палявым рамане" Пятра Тадароўскага. Пранізлівы лёс жанчыны-франтавічка, якая страціла на вайне сваё шчасце і якая спрабуе знайсці новае ў неўладкаванасці пасляваеннага савецкага побыту атрымалася ў Андрэйчанка вельмі арганічна.
Побач з ёй заўсёды былі вытанчаныя мужчыны — першым мужам актрысы быў Максім Дунаеўскі, у гэтым шлюбе ў яе нарадзіўся сын Зміцер. Другім мужам стаў знакаміты акцёр і рэжысёр Максіміліян Шэл, за якім яна з'ехала ў ЗША. Але напярэдадні ад'езду выканала яшчэ адну сваю бліскучую ролю — Кацярыны Ізмайлавай у экранізацыі Ляскоўскай "Лэдзі Макбет Мцэнскага павета". Падчас здымак, дарэчы, акторка чакала дзіця ад Максіміліяна Шэла, але здымалася практычна да самых родаў.
Потым актрыса з'ехала да мужа і практычна знікла з поля зроку прыхільнікаў. Вярнулася ўжо ў зусім іншую краіну, пасля разводу з Шэлі ў 2005 годзе. Шмат здымалася, але такой славы, як была да ад'езду, ужо не адбылося.
Але, як не раз падкрэслівала актрыса, яна аптыміст і верыць, што самая выдатная ролю ў яе яшчэ наперадзе. І хоць цяпер яна жыве далёка ад сваёй радзімы — у асноўным у ЗША і Мексіцы, прызнаецца, што дзеля добрай ролі прыедзе не задумваючыся.
