МІНСК, 3 мая — Sputnik. Легкавы аўтамабіль Volkswagen і УАЗ сутыкнуліся ў лоб ў Лідскім раёне — ад удару мінівэн вылецеў у кювет і некалькі разоў перавярнуўся, паведамілі Sputnik ва УДАІ УУС Гродзенскага аблвыканкама.
Аварыя адбылася напярэдадні на аўтадарозе "Мінск — Гродна".
"На вялікай хуткасці ў УАЗ урэзаўся спадарожны мінівен. Яго адкінула ў правы кювет, пры перакульванні з мінівэна вылецеў пасажыр", — сказалі ў ДАІ.
У інспекцыі паведамілі, што Volkswagen, у салоне якога знаходзіліся пяць чалавек, пасля сутыкнення спыніўся на абочыне.
Паводле звестак ДАІ, у выніку аварыі пацярпелі чатыры чалавекі — два пасажыры мінівэна, пасажыр і кіроўца УАЗа, усе яны былі дастаўлены ў бальніцу. Паводле папярэдняй інфармацыі, усе людзі, якія ехалі ў Volkswagen, у момант здзяйснення ДТЗ былі п'яныя.
