МІНСК, 11 мая — Sputnik. Мужчына атрымаў моцныя апёкі ў Лідзе, прыкурваючы цыгарэту ад газавай пліты, паведамілі Sputnik ў Гродзенскім абласным УМНС.
Інцыдэнт адбыўся напярэдадні на вуліцы Прамысловай у раённым цэнтры.
"Паступіла паведамленне аб шпіталізацыі ў Лідскую цэнтральную раённую бальніцу грамадзяніна з тэрмічным апёкам 3-й ступені шыі, твары, абедзвюх перадплеччаў", — сказалі ў МНС.
Ва ўпраўленні таксама паведамілі, што 67-гадовы мужчына пацярпеў праз парушэнні правілаў эксплуатацыі газавых прыладаў і агрэгатаў — запальваў цыгарэту ад газавай пліты.
Паводле звестак медыкаў, лідчанін ў выніку няшчаснага выпадку атрымаў апёкі 21% цела.
