МІНСК, 12 мая — Sputnik. На паўвостраве пачынаюцца здымкі новага фільма рэжысёра Віктара Паўлава "Першаклашкі ў Крыме". У карціне задзейнічаны Вікторыя Лопырава (міс Расія-2003) і вядомы акцёр Міхаіл Парэчанкаў.
"Першаклашкі ў Крыме" — добрая авантурная камедыя пра дзяўчыну, якая расчаравалася ў чарговым мужчыне. Трапляючы ў кур'ёзныя сітуацыі і здзяйсняючы добрыя справы, яна змяняе жыццё навакольных людзей, а ў канчатковым выніку — і сваё ўласнае да лепшага.
"Гэта проста паўднёвы, летні горад. Ниякімі адмысловымі меркаваннямі мы не кіраваліся", — адзначыў аўтар карціны.
Здымкі будуць праходзіць часткова на натуры, часткова ў студыях "Крым-Кіно" ў Севастопалі, Сімферопалі і Алушце.
На пытанне, чаму ў назве фільма фігуруе слова "першаклашкі", Паўлаў адказваць адмовіўся. "Дзеля гэтага трэба пераказаць сюжэт, чаго я зрабіць не магу", — патлумачыў ён. Карціну плануюць скончыць і прэзентаваць да трэцяй гадавіны ўз'яднання Крыму з Расіяй, у 2017 годзе.
На думку Міхаіла Парчэнкава, Крым з'яўляецца выдатным месцам для здымачнай пляцоўкі. "Тут можна зняць што заўгодна — Іспанію, Італію, мора, горы, стэпы. Тут можна працаваць над любой карцінай, паколькі на паўвостраве ёсць усе ўмовы. Крым — удзячнае месца для кінематаграфіста. Я з задавальненнем прыязджаю сюды і адпачываць, і працаваць. Спадзяюся, што мяне з Крымам будуць звязваць яшчэ больш цесныя стасункі", — распавёў акцёр.
"Першаклашкі ў Крыме" — не першая сумесная праца Віталя Паўлава і Міхаіла Парэчанкава. Дванаццатага мая творчы дуэт прэзентуе фільм "Цуд у Крыме", у якім таксама задзейнічаны Парэчанкаў. Стужка была знятая ў 2015 годзе. Здымкі занялі ўсяго каля 10-ці дзён. У галоўнай жаночай ролі знялася акторка Ірына Грынёва.
