МІНСК, 13 мая — Sputnik. Кіраўнік выканкама СНД Сяргей Лебедзеў заклікаў журналістаў спрыяць вырашэнню канфлікту на Украіне.
"На жаль, мы з'яўляемся сведкамі інфармацыйнай вайны. Кожны з бакоў імкнецца пераканаць грамадскасць у слушнасці свайго меркавання", — сказаў Лебедзеў, адзначыўшы пры гэтым, што асвятленне ўкраінскага канфлікту павінна быць аб'ектыўным і не абуджаць нянавісць а, наадварот, спрыяць мірнаму вырашэнню.
Ён заклікаў прадстаўнікоў СМІ ствараць больш пазітыўных матэрыялаў, заявіўшы пра залежнасць настрою людзей ад таго, што яны чуюць з экранаў тэлевізараў.
"Калі пераважае негатыўная інфармацыя, то гэта прыводзіць да дэпрэсій і іншых негатыўных з'яў. А жыццё дае нам пазітыўныя пасылы — нараджаюцца дзеці, вучацца студэнты, паглядзіце, якая вясна", — падкрэсліў кіраўнік выканкама СНД.
Улады Украіны ў красавіку 2014 года пачалі ваенную аперацыю супраць самаабвешчаных ЛНР і ДНР, якія заявілі аб незалежнасці пасля дзяржаўнага перавароту на Украіне ў лютым 2014 года. Па апошніх дадзеных ААН, ахвярамі канфлікту сталі больш за 9 тысяч чалавек.
Пытанне ўрэгулявання сітуацыі ў Данбасе абмяркоўваецца, у тым ліку ў ходзе сустрэч у Мінску кантактнай групы, якая з верасня 2014 года прыняла ўжо тры дакументы, якія рэгламентуюць крокі па дээскалацыі канфлікту. Аднак і пасля пагадненняў аб перамір'і паміж бакамі канфлікту працягваюцца перастрэлкі.
