МІНСК, 15 мая — Sputnik. Міністэрства фінансаў Польшчы змяніла мінімальны агульны кошт пакупак, пры якой асобы, якія не з'яўляюцца грамадзянамі Еўрасаюза, могуць прэтэндаваць на атрыманне чэка Tax Free.
Цяпер, паводле распараджэння польскага Мінфіна ад 1 красавіка 2016 года, для таго, каб вярнуць ПДВ ад пакупак у Польшчы, неабходна выдаткаваць не менш за 300 злотых (каля 78 даляраў па курсе на 13 мая).
Да 1 чэрвеня дзейнічае існуючая мінімальная сума ў 200 злотых (каля 52 даляраў). Сума, як і раней, будзе прапісаная ў дакуменце Tax Free (VAT) з прымацаваным фіскальных чэкам, які выдае прадавец.
Павелічэнне мінімальнай сумы для выдачы чэка Tax Free ў Польшчы з'яўляецца першым з 2004 года. Мінфін Польшчы тлумачыць гэта дзеянне неабходнасцю кампенсацыі росту коштаў на тавары і паслугі на працягу 11 гадоў.
