Грушападобны ружовы дыямент паказалі журналістам у Жэневе. Кіраўнік ювелірнага аддзела Sotheby's Дэвід Беннетт назваў яго выключным.
"Гэта экстраардынарны дыямент вагой 15.38 карата. Самога выдатнага колеру, незвычайна ярка-ружовага, максімальнай насычанасці. Гэта сенсацыя колеру", — сказаў прадстаўнік аўкцыённага дома прэсе.
Камень атрымаў назву Unique Pink. Яго унікальнасць палягае не толькі ў памеры і цудоўным колеры, але і ў чысціні. Спецыялісты параўноўваюць яго з лепшымі ружовымі дыяментамі, якія атрымалі сусветную вядомасць і ацэньваюць лот у 28-38 мільёнаў долараў ЗША. Каштоўнасць выставяць на продаж у Жэневе ў аўторак вечарам.
