Вучоны распавёў пра экалагічныя пагрозы ў Беларусі

© Photo : Анатолий КулакЗванец - самае вялікае нізіннае асакова-трысняговае балота ў Еўропе
Званец - самае вялікае нізіннае асакова-трысняговае балота ў Еўропе - Sputnik Беларусь
На думку доктара медыцынскіх навук, галоўная пагроза – праз забруджванне паветра, бо з ёй складаней за ўсё змагацца.

МІНСК, 19 мая — Sputnik. Галоўныя экалагічныя пагрозы для сучаснай Беларусі — забруджванне паветра, вады і глебы, заявіў Sputnik доктар медыцынскіх навук, прафесар МДЭУ імя Сахарава Белдзяржуніверсітэта Анатоль Бацян.

Міжнародная канферэнцыя "Сахараўскія чытанні" сабрала ў чацвер у Белдзяржуніверсітэце некалькі сотняў экспертаў па экалогіі з дзясятка краін свету. Навукоўцы абмеркавалі ў Мінску выклікі сучаснасці і праблемы экалогіі.

"Для Беларусі вялікая праблема — забруджванне паветра. Яно адбываецца як праз прамысловыя прадпрыемствы, так і праз аўтамабілі — нават складана сказаць, што ўплывае на паветра больш загубна. А мы ж не можам без паветра, таму гэта асабліва небяспечна", — сказаў прафесар у інтэрв'ю Sputnik.

Следам ў своеасаблівым рэйтынгу небяспекі ідзе забруджванне вады.

Будынак БДУ - Sputnik Беларусь
"Сахараўскія чытанні" пройдуць у Белдзяржуніверсітэце

"Аднак спецыфіка яе спажывання такая, што ў нас ёсць час з гэтай небяспекай змагацца. І часта бывае так, што гэта таксама звязана з забруджваннем паветра. Скажам, калі раней мы выкарыстоўвалі парасоны для таго, каб не намокнуть пад дажджом, то зараз яны, хутчэй, ратуюць нас ад усіх тых шкодных рэчываў, якія з дажджом могуць быць ", — прадоўжыў Бацян.

Эксперт таксама зважае на забруджванне глебы, аднак з ім таксама прасцей змагацца. Акрамя таго, большасць шкодных рэчываў у глебе — праз ваду і паветра.

"Хоць шмат у чым глебу забруджваюць і пестыцыды, якія выкарыстоўваюцца ў сельскай гаспадарцы", — прызнаў доктар навук.

Параўноўваць экалогію Беларусі з еўрапейскай, адзначыў эксперт, досыць складана праз тое, што тут адыгравае ролю велізарная колькасць фактараў.

"Скажам, заходнія вятры часта да нас прыносяць забруджванні з Еўропы, ім з вятрамі пашанцавала. У нас жа няма побач мораў і такіх вятроў, таму крыху складаней", — разважыў прафесар БДЭУ.

У еўрапейскіх дзяржаў, прызнаў Бацян, больш магчымасцяў для фінансавання экалагічнай бяспекі. У той жа час Беларусь таксама рухаецца ў гэтым кірунку, аднак перш трэба вырашаць і больш надзённыя праблемы.

"Сказаць, каб нешта было вельмі дрэнна ці вельмі добра ў параўнанні — нельга. Там свае праблемы, у нас свае. Але і з тымі мы паспяхова можам змагацца", — сказаў на заканчэнне вучоны.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі