Жыццё не параднага пад'езда: выстава Губарава адкрыецца ў Мінску

© Photo : из личного архива художникаВалянцін Губараў
Валянцін Губараў - Sputnik Беларусь
Выстава пад адкрытым небам "Мастак і горад" адкрыецца 26 траўня на плошчы Якуба Коласа, на гэты раз у фармат гарадской прасторы будуць "ўпісаны" карціны мастака Валянціна Губарава.

Вольга Савіцкая, Sputnik

Выстава Губарава — гэта ўжо пяты выставачны праект пад адкрытым небам. Да яе экспанаваліся копіі твораў Марка Шагала, Казіміра Малевіча, Мікалая Селешчука.

Імя Валянціна Губарава ведаюць не толькі ў нашай краіне — яго працы маюць пастаянны поспех не толькі на беларускіх выставах, але і ў еўрапейскіх галерэях. Sputnik пагутарыў з мастаком напярэдадні выставы.

"У мяне шчаслівы лёс мастака — я пішу тое, што мне падабаецца. Мне часта прапануюць сюжэты, аднак яны павінны вельмі спадабацца, каб стаць маімі. Я не вучоны-гісторык або рэжысёр, які здымае гістарычнае кіно, дзе ўсё павінна адпавядаць той ці іншай эпосе", — распавёў Валянцін Аляксеевіч.

Паводле яго слоў галоўнае ў творчасці — не дакладнае супадзенне, а мастацкі вобраз, і калі некаторыя неадпаведнасці дапамагаюць ясней выказаць ідэю, то мастак павінен ахвотна іх выкарыстоўваць.

"Я абапіраюся ў асноўным на памяць, вядома ж, далёка не ідэальную, я праношу яе праз сваё жыццё — дзяцінства, юнацтва, даросласць", — удакладніў ён.

© Photo : из архива художника"Адведкі", карціна Валянціна Губарава
Картина Валентина Губарева Отведки - Sputnik Беларусь
"Адведкі", карціна Валянціна Губарава

Ужо больш за 20 гадоў Валянцін Губараў супрацоўнічае з галерэяй "Les Tournesols — яе філіялы ёсць у Парыжы, Ліёне, Сэнт-Эцьен і іншых французскіх гарадах. Але не гледзячы на частыя візіты ў Францыю, мастак прызнаецца, што яму па-ранейшаму цікавыя нашы, тутэйшыя рэаліі.

"Я пішу тое, што мне зразумела. Мне цікава зазірнуць у невялікі дворык, не парадны пад'езд, у звычайную хрушчоўку, дзе цячэ штодзённае жыццё, а ў інтэр'ерах пануюць прадметы, знаёмыя ўсім. Я ні ў якім разе не смяюся над сваімі героямі. Я іх люблю, перажываю разам з імі. Я пішу людзей, якія любяць рыбалку, грыбы, шашлыкі, падарожжа. Усе сюжэты маіх карцін — гэта нейкія жыццёвыя калізіі, могуць быць афарбаваныя маім стаўленнем да іх, вясёлым або філасофскім ", — падзяліўся мастак.

© Photo : Валентин Губарев"Восень у Алехновічах", Валянцін Губараў
Осень в Олехновичах - Sputnik Беларусь
"Восень у Алехновічах", Валянцін Губараў

"Восень

Часцей за ўсё на карцінах Губарава правінцыйныя гарады, але мінскія сюжэты таксама прысутнічаюць. На адной з карцін ёсць Лошыцкае прадмесце, яшчэ неадрэставанае, на іншай — Грушаўка c высокімі старымі дрэвамі і калонкамі з вадой.

"Мастацтва выходзіць з музеяў, галерэй і ідзе насустрач людзям. Я ўжо не здзіўляюся, калі кандытарская фабрыка звяртаецца з прапановай выкарыстоўваць мае карціны для афармлення скрынкі цукерак. Ці якая-небудзь дызайнерская кампанія — для дызайну мэблі або інтэр'ераў. Калі звяртаюцца з просьбай выкарыстаць мае творы для афармлення вокладак кніг, музычных кампакт-дыскаў, календароў, я згаджаюся з задавальненнем, таму што гэта папулярызуе маё мастацтва", — прызнаўся мастак.

У Мінску Валянцін Губараў выстаўляецца даволі часта, але калі рыхтуецца да чарговай выставы, прызнаецца, што адольваюць сумневы.

© Photo : из архива художникаКарціна Валянціна Губарава
Картина Валентина Губарева  - Sputnik Беларусь
Карціна Валянціна Губарава

"Прыдзірліва глядзіш на карціны і думаеш — у гэтай я не дамогся таго, чаго хацеў, а гэтая нейкая прахадная, а тут сюжэт дробны, а гэтая па тэхніцы не дацягвае. Хоць некаторыя карціны для сябе я ацэньваю, як хрэстаматыйныя, тытульныя. Неяк я прыехаў у Аўстрыю, мне ўручылі каталог аўкцыёну "Крысціс" ў Лондане, і я са здзіўленнем убачыў на вокладцы рэпрадукцыю адной з маіх любімых карцін "Аглядальнік", — распавёў мастак.

З нагоды будучай выставы мастак кажа, што любіць Мінск і ўпэўнены, што такі выставачны праект пад адкрытым небам — гэта несумненны плюс гораду і яго арганізатарам.

Выставачны праект "Мастак і горад" рэалізуецца пры падтрымцы Міністэрства культуры і Мінгарвыканкама. Ініцыятарамі выставы выступаюць агенцтва сацыяльнага маркетынгу GrandBS і Нацыянальны цэнтр сучасных мастацтваў. C 2014 года генеральным партнёрам праекта з'яўляецца Банк ВТБ.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі