Паводле інфармацыі СК, малады чалавек зайшоў у краму, прымерыў мужчынскі бранзалет за 37 мільёнаў рублёў і выказаў жаданне яго купіць. Аднак, пасля таго як прадаўшчыца аслабіла ўвагу, выхапіў ювелірны выраб і паспрабаваў збегчы.
Як адзначылі следчыя, правапарушальніка ўдалося затрымаць дзякуючы мінакам.
Затрыманага суправадзілі ў Цэнтральнае РУУС Мінска.
Цэнтральны раённы аддзел Следчага камітэта распачаў крымінальную справу па арт. 206 Крымінальнага кодэкса Беларусі (рабаванне). Падазраваным па справе з'яўляецца мінчанін 1980 года нараджэння.
