МІНСК, 29 мая — Sputnik. Вядомыя беларускія пісьменнікі Андрэй Жвалеўскі і Яўгенія Пастэрнак сустрэліся з чытачамі ў Маскве. Сустрэча адбылася ў прасторы "Соцыум-збудаванні".
Тандэм вядомы сваімі кнігамі для падлеткаў, якія вялікімі накладамі распаўсюджваюцца за межамі Беларусі.
Андрэй Жвалеўскі і Яўгенія Пастэрнак — творчы саюз беларускіх пісьменнікаў, які існуе ўжо дзесяць гадоў. Па адукацыі абодва суаўтары — фізікі, жывуць і працуюць у Мінску.
"Масквічы нас ведаюць лепш, чым мінчане, прымаюць як родных", — распавяла карэспандэнту Sputnik Яўгена Пастэрнак.
Па той бок мікрафона былі самі чытачы, а дакладней — падлеткі, якія чытаюць, таму пісьменнікаў засыпалі пытаннямі пра кнігі.
Пісьменнік Андрэй Жвалеўскі, чый дэбютны раман для дзяцей выйшаў накладам большым за сто тысяч асобнікаў, аўтар знакамітых "Порры Гатэра" і "Гімназіі №13", паспрабаваў раскрыць сакрэт паспяховай кнігі для дзяцей.
"Чатырохгадовым дзецям патрэбныя прыгоды, казкі, навучанне жыццю ў незвычайнай форме, але, сталеючы, з'яўляецца патрэба чытаць пра сябе. З дванаццаці гадоў патрэбен рэалізм", — сказаў ён.
Усяго суаўтарамі напісана каля 50 кніг, выдадзеных сумарным тыражом больш за 700 тысяч асобнікаў.
